Spurt og svarað
Fríðindi fyrir meðlimi
Tækjakennsla er innifalin í Heilsuaðild.
Í Heilsuaðild hefur þú aðgang að þjálfara og færð alla þá leiðsögn sem þú þarft.
Hér getur þú óskað eftir tíma í tækjakennslu og gengið frá greiðslu ef hún er ekki innifalinn í aðild þinni.
Betri og Heilsuaðild fylgir Vetrarkort Bláa Lónsins (einstaklingskort).
Fylltu inn þínar upplýsingar hér og ósk um tímasetningu á heimsókn þinni í Bláa Lónið og við munum staðfesta bókun þína eins fljótt og auðið.
Vetrarkort Bláa Lónsins veitir aðgang að Bláa Lóninu frá 1. október til 15. maí.
Meðlimir í Heilsuaðild og Betriaðild fá 15% afslátt af snyrti-, nudd- og spameðferðum í Hreyfing spa. Meðlimir í Heilsuaðild og Betriaðild fá einnig 15% afslátt af Blue Lagoon húðvörum.
Sjáðu meðferðirnar sem í boði eru og kynntu þér heilan heim af dekri hér!
Meðlimir í Heilsuaðild fá fríar líkamsástandsmælingar reglulega eða eins oft og þeir vilja.
Aðrir meðlimir geta keypt sér Boditrax líkamsástands mælingu hér.
Í Hreyfingu getur þú fengið nákvæmar niðurstöður um þitt líkamsástand í Boditrax líkamsástandsmælingatækinu.
Með 30 sekúndna prófi færðu nákvæmar niðurstöður um 14 mismunandi þætti eins og vöðvamassa og grófa dreifingu á honum, fituhlutfall og hlutfall kviðfitu sem er sú fita sem hættulegust lífstílssjúkdómum, æskilega kjörþyngd, grunnbrennslu, aldur þinn miðað við líkamsástand (metabolic age), líkamsþyndarstuðullinn (BMI), beinmassa, vökvamagn og fleiri mikilvægar upplýsingar sem varða þína heilsu. Sjá nánar.
Samningar
Heilsuaðild er hægt að leggja inn 1x á ári í einn, tvo eða þrjá mánuði í senn. Binditími samnings framlengist um innlagnartímann.
Beiðni um innlögn þarf að berast í gegnum Mínar síður.
Ekki er hægt að leggja kort inn aftur í tímann. Ekki er hægt að leggja inn kort í gegnum síma. Innlögn er ekki möguleg ef skuld er á viðskiptareikningi viðkomandi meðlims.
Á Mínum síðum finnur þú upplýsingar um binditíma samnings þíns eða gilditíma korts.
Hafir þú skráð þig í áskriftarsamning hjá Hreyfingu mun kortið þitt gilda þar til því er sérstaklega sagt upp á Mínum síðum.
Áskriftarsamningar eru með mis langan binditíma. Eftir að binditíma lýkur framlengist kort viðkomandi einn mánuð í einu í takt við gildandi verðskrá þar til samningi er sagt upp á Mínum síðum.
Meðlimir skuldbinda sig við inngöngu til að vera meðlimir út binditíma samnings. Uppsögn á samningi þarf að berast fyrir 14. dag mánaðar svo hún geti tekið gildi strax um mánaðarmót.
Hafir þú aðrar spurningar varðandi samning þinn er velkomið að hafa samband við móttöku Hreyfingar.
Við viljum tryggja meðlimum okkar skjóta og góða þjónustu og því þarf ósk um uppsögn að berast okkur í gegnum Mínar síður.
Nokkur atriði sem gagnlegt er fyrir þig að vita varðandi uppsögn á samningi þínum:
Uppsögn á samningi þarf að berast í gegnum Mínar síður fyrir 13. dag mánaðar svo hún geti tekið gildi strax um mánaðarmót.
Ekki er hægt að segja upp samningi nema að binditíma samnings sé lokið og viðkomandi reikningur sé skuldlaus. Upplýsingar um binditíma samnings er að finna á mínum síðum.
Heimaæfingar á Mínum síðum eru aðeins aðgengilegar fyrir þá sem eru með virkt kort. Uppsögn þarf að berast
Ekki er þörf á því að endurnýja aðild þegar binditími klárast þar sem við gætum þess að meðlimir njóti alltaf hagstæðustu kjara eftir að binditíma lýkur.
Óski meðlimur hins vegar eftir því að uppfæra sig um aðild eða endurnýja samning sinn að binditíma lokunum (til að tryggja ákveðið verð fram í tímann) þá er velkomið að gera það á hreyfing.is
Þegar nýr samningur hefur verið gerður á hreyfing.is lokast fyrri samningur og eru greiðslur leiðréttar í næstu æfingagjöldum.
Að öðrum kosti framlengist samningur viðkomandi sjálfkrafa einn mánuð í einu í takt við gildandi verðskrá þar til honum er sagt upp á mínum síðum.
Ef binditími gildandi samnings er ekki liðinn má einungis gera skiptisamning til lengri binditíma, innan sömu aðildar eða uppfæra sig um aðild.
Æfingagjöld eru alltaf greidd fyrirfram í upphafi mánaðar.
Mánaðarlegar greiðslur meðlima eru skuldfærðar á greiðslukort 14. dag mánaðar fyrir komandi mánuð.
Ef ekki tekst að skuldfæra greiðslukort fer krafan sjálfkrafa inn á heimabanka. (Ath. 250 kr. færslugjald bætist við mánaðargjald þegar greiðsluseðill er sendur í heimabanka).
Í upphafi samnings er boðið upp á sérstakt forfallagjald á 2500 kr. Forfallagjald gerir meðlimum kleift að rifta samningi gegn riftunargjaldi ef meðlimur flytur út fyrir höfuðborgarsvæðið eða erlendis, eða getur ekki stundað líkamsþjálfun vegna langvarandi veikinda eða alvarlegs slyss. Skal í slíkum tilfellum senda hér inn skriflega beiðni ásamt tölvutæku afriti af læknisvottorði eða sönnun um flutning á lögheimili.
Riftunargjald er 30% af eftirstöðvum binditíma samnings.
Ef um alvarlegan heilsubrest er að ræða sem veldur því að iðkandi megi ekki skv. læknisráði stunda heilsurækt er velkomið að senda hér inn læknisvottorð og beiðni um að láta frysta kort í ákveðinn tíma. Slíkar beiðnir eru teknar til skoðunar og reynt að koma til móts við iðkendur eftir fremsta megni.
Annað
Það eru margir möguleikar í boði en mánaðargjald er allt frá 9.990 kr.
Þú getur alltaf nálgast greiðslukvittanir á Mínum síðum Hreyfingar.
(Einnig er hægt að fá greiðslukvittanir í móttöku Hreyfingar eða á hreyfing@hreyfing.is).
Nánari upplýsingar um íþróttastyrki geta meðlimir fengið hjá sínu stéttarfélagi eða vinnuveitanda.
Aldurstakmark í Hreyfingu er 15 ár.
Ungmenni á aldrinum 16-18 ára á árinu geta nýtt frístundastyrk frá sínu sveitarfélagi til kaupa á líkamsræktarkortum hjá Hreyfingu.
Smelltu hér ef þú vilt nýta þinn frístundastyrk upp í kort hjá Hreyfingu!
Hreyfing býður upp á fjölbreytt úrval af æfingatímum til að koma á móts við mismunandi þarfir og óskir meðlima. Hvort sem þú vilt leggja áherslu á styrktarþjálfun, liðleika, fitubrennslu, dans eða sitt lítið af hverju ættirðu að geta fundið eitthvað við þitt hæfi. Það sem gerir tímana svo skemmtilega er samveran, stemmingin og ekki síst aðhaldið sem þeir veita. Kennarar Hreyfingar eru þaulvanir og taka vel á móti nýliðum sem eru að koma í sína fyrstu tíma. Kynntu þér málið og skoðaðu hvað við höfum upp á að bjóða og góða skemmtun.
Til þess að geta skráð þig í tíma þarft þú að byrja á því að nýskrá þig hér inn á "Mínar síður"
Það þarf að skrá sig í alla opna hóptíma nema annað sé sérstaklega tekið fram.
Námskeið Hreyfingar eru fjölbreytt og spennandi. Það felst mikið aðhald í því að taka þátt í námskeiðunum okkar.
Leiðbeinendur Hreyfingar hafa mikla reynslu á sviði heilsuræktar og leggja sig alla fram við að hjálpa þátttakendum að ná sem bestum árangri og að viðhalda honum. Sjáðu allt um næstu námskeið hér
Hreyfing er staðsett í hjarta borgarinnar við Glæsibæ, Álfheimum 74. Gengið er inn í Hreyfingu á jarðhæð beint á móti Tennishöll TBR.