Fara yfir á efnissvæði
Mínar síður
Tímatafla

Hot Pilates

12. ágúst
3 vikur
8.990 ISK
16.990 ISK

Pilates æfingakerfið getur raunverulega breytt lífi þínu og líðan með reglulegri ástundun og í heitum sal nær líkaminn dýpri vöðvavinnu, auknum liðleika, auk þess sem þú svitnar vel sem hefur góð og mikilvæg hreinsunaráhrif í líkamanum.

Pilates er endurnærandi æfingakerfi fyrir líkama og sál.
Með markvissri öndun, réttri stöðu á hryggjarsúlu og mjaðmagrind nærðu nýjum víddum í árangri þínum við æfingar og í raun öllum þínum daglegu hreyfingum og athöfnum.  Þú lærir að stjórna hreyfingum þínum svo það stuðli að betri líkamsstöðu.  Gæði hreyfinganna eru í lykilhlutverki í Pilates fremur en fjöldi endurtekninga.

Þú þjálfar sterka kjarnavöðva.
Pilates æfingakerfið byggist á að vinna með djúpu kjarnavöðvar líkamans, vöðvana sem eru næst hryggnum.  Þú lærir að þjálfa flata kviðvöðva og sterkt bak.

Þjálfaðu langa sterka vöðva og auktu liðleika.
Í pilatesæfingum er lögð höfuðáhersla á að styrkja og lengja vöðva, auka teygjanleika vöðvanna og hreyfisvið liðamóta.  Líkami með jafnvægi á milli styrks og liðleika er síður líklegur til að glíma við álagsmeiðsli.

Pilatesæfingakerfið er milt og gott fyrir líkamann en á sama tíma krefjandi og skilar frábærum árangri.  Það er ekki að ástæðulausu að hátt í heila öld hafa frægustu dansarar heims stundað Pilates æfingakerfið.  Það varð samstundis vinsælt á meðal dansara  þegar Joseph Pilates höfundur æfingakerfisins og kona hans Clara hófu að bjóða upp á pilates æfingar sem  þjálfun og endurhæfingu fyrir dansara í New York árið 1925. 

Prófaðu þetta einstaka æfingakerfi, losaðu um streitu, verki og stífleika og lærðu að beita líkama þínum auðveldlega og með afslappaðri hætti.   Pilates hentar jafnt byrjendum sem lengra komnum til að styrkja kjarnavöðvana (bak, mitti og kvið) og endurbyggja jafnvægi líkamans með ýmsum vel uppbyggðum æfingum sem eru í senn líkamsvænar og krefjandi.

Innifalið:

HP1

mánudagur
kl. 17:30-18:20
Salur 5
miðvikudagur
kl. 17:30-18:20
Salur 5
Námskeið fullbókað