Fara yfir á efnissvæði
Mínar síður
Tímatafla

Sóttvarnir í Hreyfingu

Gildandi sóttvarnarreglur:

  • Hámark 50 manns í hverju rými.
  • 1 meters fjarlægð á milli manna.
  • Grímuskylda þegar ekki næst að halda 1 meters fjarlægð á milli manna.

    Gerum þetta saman og gerum það vel.

Hreyfing, fæða og lífsstíll spila lykilhlutverk í því að styrkja ónæmiskerfið.
Sterkt ónæmiskerfi er gulls ígildi þegar kemur að því að takast á við veirusýkingar. Höldum áfram að rækta heilsuna og æfa reglulega.

Það er margt sem við get­um gert til að koma í veg fyrir smit og gæta fyllsta hreinlætis. 

Góð ráð í ræktinni:

  • Þvoum hendur vel með sápu fyrir og eftir æfingu.
  • Munum að skráning er í alla hóptíma.
  • Gætum þess vel að hafa gott bil á milli manna. 
  • Mætum með okkar eigin jógahandklæði á dýnuna.
  • Mætum með okkar eigin vatnsbrúsa. 
  • Gætum að hreinlæti við notkun vatnshana.
  • Notum sótthreinsandi handspritt. 
  • Forðumst að snerta augu, nef og munn með óhreinum höndum.
  • Ekki heilsast með faðmlagi eða handabandi.
  • Hóstum og hnerrum í pappír eða í olnbogabót og þvoum hendur vel á eftir.
  • Hreyfum okkur a.m.k. 30 mín. á dag og borðum næringaríka fæðu.
  • Ekki mæta í ræktina ef við finnum fyrir einhverjum mögulegum flensueinkennum.
  • Ekki mæta í ræktina ef við eigum að vera í sóttkví.

Hreyfing er þekkt fyrir gott hreinlæti enda eitt af okkar gildum en nú gefum við í og gerum enn betur!

Jafnt og þétt yfir daginn eru algengustu snertifletir, tæki og tól þrifin og sótthreinsuð.

Sótthreinsandi handspritt er aðgengilegt við alla hóptímasali, við vatnshana, tækjasal, afgreiðslu og víðsvegar um stöðina.

Mikil áhersla hefur verið lögð á það frá heilbrigðisyfirvöldum að handþvottur með sápu skilar jafnvel betri árangri en að sótthreinsa hendur. Vaskur og handsápa er alltaf innan seilingar á öllum hæðum. 

Sótthreinsun og hreinlæti er tekið föstum tökum sem aldrei fyrr í takt við tilmæli frá heilbrigðisyfirvöldum.