Nudd- & spameðferðir

Eykur blóðstreymi og súrefni til vöðva i útlimum. Losar um spennu i líkamanum og er sniðið að þörfum hvers og eins. Áhrifaríkt og markvisst nudd sem losar um bólgur og spennu á tilgreindum svæðum. Dregur úr streitu og þreytu. Veitir góða slökun og vellíðan.

Nudd sem hentar sérstaklega vel fyrir þá sem stunda íþróttir. Dregur úr þreytu, bólgum og stífum vöðvum. Eykur liðleika.

Áhrifarík nuddmeðferð byggð á austurlenskum hugmyndum um orkuflæði líkamans. Fingur, þumlar og lófar eru notaðir til að ýta á þrýstipunkta á áhrifasvæði líkamans sem losar um stíflur og kemur á jafnvægi í líkamanum.

Heilnudd aðlagað verðandi móður á hvaða tímabili meðgöngunnar sem er. Dregur úr spennu og verkjum í líkamanum. Róar, veitir vellíðan og slökun. Nuddað er á sérstökum meðgöngubekk.

Meðferð sem er sérstaklega sniðin að þörfum þeirra sem æfa mikið og hafa auma vöðva og verki Áhrifaríkt nudd sem örvar blóðrásina, eykur súrefnisstreymi til vöðva og losar um spennu og hnúta í líkamanum.

Áhrifaríkt og markvisst nudd sem losar um bólgur og spennu á tilgreindum svæðum.

Örvar og styrkir sogæðakerfi líkamans og vinnur gegn óæskilegri vökva- og streituefnasöfnun í líkamanum. Gott slökunarnudd með mjúkum strokum. Markmiðið er að styrkja sogæðakerfi líkamans, koma hreyfingu á sogæðavökvann og örva flutning hans til eitla og aftur inn í blóðrásina til viðhalds og jafnvægis.

Meðferðin virkar vel við bjúgsöfnun, vefjagigt, húðvandamálum, meltingarvandamálum, veiku ónæmiskerfi, þreytu, streitu, fótapirringi o.fl. Gott er að drekka vel af vatni fyrir meðferð. Sogæðanudd skilar bestum árangri eftir því sem meðferðin er endurtekin oftar.

Einstök meðferð sem vekur skilningarvitin. Nærandi og slakandi meðferð sem hefst með því að líkaminn er skrúbbaður með einstakri blöndu Blue Lagoon þörunga og kísilagna sem endurnýja efsta lag húðarinnar. Þá er líkaminn vafinn í nærandi Blue Lagoon þörungavafning og fætur nuddaðir. Meðferðin endar á slakandi Blue Lagoon heilnuddi. Í 120 mínútna meðferðinni er andlitið einnig nuddað og djúphreinsað og viðeigandi andlitsmaski borinn á andlitið á meðan vafningurinn er að virka á líkamann. Ljúf meðferð sem hreinsar og nærir.

Fullkomið dekur fyrir líkama og sál, hrein orkugjöf úr íslenskri náttúru. Kísillinn djúphreinsar húðina, þéttir hana og styrkir. Meðferðin hefst á mýkjandi líkamsskrúbbi með einstakri blöndu Blue Lagoon þörunga og kísilagna. Líkaminn er síðan vafinn í styrkjandi kísilvafning og fætur eru nuddaðir. Ljúf meðferð sem hreinsar og nærir. Meðferðin endar á slakandi Blue Lagoon heilnuddi. Í 120 mínútna meðferðinni er andlitið einnig nuddað og djúphreinsað og viðeigandi andlitsmaski borinn á andlitið á meðan vafningurinn er að virka á líkamann. Einstök meðferð sem hreinsar, styrkir og nærir húðina.

Endurnærandi og hreinsandi meðferð fyrir allan líkamann. Húðin er skrúbbuð með einstakri blöndu af Blue Lagoon söltum og olíum sem eykur blóðflæðið og gefur húðinni aukinn ljóma og fallegt yfirbragð. Meðferðinni lýkur með andlits- og líkamsnuddi. Unaðsleg meðferð sem veitir mikla slökun og gerir húðina silkimjúka.

Í þessari einstöku meðferð bera gestir hvítan kísil á húðina og slaka á í 20 mínútur í sérhönnuðum leirgufuklefa. Í lokin verður gufan að léttu regni sem skolar kísilinn af á mildan hátt. Meðferðin veitir húðinni heilbrigðan ljóma og fallegt yfirbragð.