Heilsuaðild - W.O.D. Mildur styrkur - Opinn Tími

Styrktartími í rólegu og öruggu umhverfi undir leiðsögn þjálfara Heilsuaðildar.
Æfingarnar fara fram í föstum styrktartækjum og með mildum æfingum með lóð og eigin líkamsþyngd. Tíminn er sérstaklega hugsaður fyrir þá sem vilja meiri stuðning, skýr fyrirmæli og þjálfun á sínum hraða.

Áhersla er á góða líkamsstöðu, að byggja upp styrk og sjálfstraust í þjálfun.
Hver og einn vinnur á sínum stað, með aðlagaðar æfingar eftir þörfum og getu.

Þjálfari Heilsuaðildar tekur á móti þér við inngang í tækjasal á efri hæð og fylgir hópnum í gegnum alla æfinguna.